أجمد 7 عند جيهان عبد الله

استوحينا فكرة حوارنا معها من فكره برنامجها وسألناها عن أجمد 7 أغنيات في حياتها .. فماذا قالت جيهان عبدالله و ما هي الاغاني التي تعبر عنها ؟ هذا ما سنعرفه منها في السطور القادمة ..

<table style="text-align: center;"> <tr> <td id="_ctl0_ContentPlaceHolder1_innerImage"> </td></tr></table>

1 - أول أجمد أغنية في حياتي هي "بعد الليالي" لعمرو دياب ، بتفكرنى بحالة
الحب كنت عايشاها اول مره سمعتها و لحد دلوقتي اول ما أسمعها افتكر القصه
دي ، و ده بيحصل اول ما اروح مارينا علشان استرجع نفس الاحساس اللي كنت
عايشاه و قتها لإن القصه بدأت هناك ..

2 - أما الأغنية الثانية فهي" اقول انساك" لكارول سماحة .. كلام الأغنية
منطبق علي لأني فعلا كنت عايزه أنسي اللي بحبه وكنت دايما بأحاول أطبق
كلامها بس ماقدرتش لاني اكتشفت أني مش قادرة انسي ..والأغنية كلامها كله
مضبوط عليا .


3 – جوه الروح لفضل شاكر وإليسا .. معظم الكلام اللي بتقوله إليسا لحبيبها
هو نفس الكلام اللي باقوله انا لحبيبي و نفس الشيء بالنسبه لكلام فضل فيه
شبه كبير من الكلام اللي حبيبي بيقولوا لي .
4 – أفتكر ت لمحمد حماقي يمكن اختياراتي للاغاني اللي بحبها مختلفة ما بين
شويه حزينة وشويه مبهجة بس هي دي طبيعة حياتي يوم حلو ويوم مر , و يمكن
يكون لها ايضا خصوصيه كبيره عندي لأن حماقي سمعها لي في أستوديو التسجيل
قبل نزولها في السوق وعجبتني جداً .


5 – أغلي الحبايب نوال الزغبي كلامها و الحانها في منتهي الروعه و اظن ان
ده احلي لكلام ممكن تقوله بنت لحبيبها .

6 – أغنية محمد فؤاد "غصب عني" دي من أكتر الاغاني اللي بتوصف مواقف كثيره
مررت بها في حياتي سواء علي مستوي الوداع أو الفشل و الحمدلله ان الحظات دي
بتنتهي بسرعه .

7 – أغنية "كتير بنعشق" لشيرين دي بقي الأغنية اللي بتلخص كل اللي فات
لأنها بتعبر عن حالتي ككل وليس في أوقات معينه فالأغنية دي رهيبة جداً وكل
ما فيها بيعبر عن جيهان عبد الله زيي زي كتير من الناس اللي بيسمعوها
ويتفاعلوا معاها.